काठमाडौं । प्रस्तावित प्रधानन्यायाधीश हरिकृष्ण कार्कीविरूद्ध परेको उजुरी सम्बन्धी संसदीय सुनुवाइ शुक्रबारसम्मका लागि सरेको छ ।

शुक्रबारको बैठकमा सांसदहरूले प्रश्न सोध्ने र कार्कीले जवाफ दिने कार्यसूची रहेको एक सदस्यले बताए । ती सदस्यका अनुसार सुनुवाइ शुक्रबार ८ बजेलाई सारिएको हो । बुधबार समितिले उजुरीकर्तासँग सामूहिक र व्यक्तिगत रूपमा छलफल गरेको छ ।

सोही आधारमा सुनुवाइका लािग कामु प्रधानन्यायाधीश कार्कीलाई आज बोलाइएको हो । बैठकमा कार्कीले न्यायालय सुधारका कार्यायोजना प्रस्तुत गरेका थिए । कार्की गत वैशाख २५ गते संवैधानिक परिषद्को बैठकबाट प्रधानन्याधीशमा सिफारिस भएका थिए ।