बहस सकियो : सचिव राउत भोलि रिहा होलान् ?

लुम्बिनी प्रदेशमा मन्त्रिपरिषद् पुनर्गठन: पाँच नयाँ मन्त्री थपिए, जेठ २५ गते शपथ

बहस सकियो : सचिव राउत भोलि रिहा होलान् ?

नेपालवाच २०८० साउन ४ गते १७:३९

काठमाडौं । सञ्चार तथा सूचना प्रविधि सचिव कृष्णबहादुर राउतको पक्राउ विरूद्ध परेको बन्दीप्रत्यक्षीकरण मुद्दाको आदेश भोलि आउने भएको हो ।

उनको रिहाइका लागि दायर रिटमाथि आजबाट बहश सकिएको छ ।

आज बहस सकिएसँगै भोलि अदालतको आदेश आउनेछ । गत २४ असारमा नेपाली प्रहरीको केन्द्रीय अनुसन्धान व्यूरोले सचिव राउतलाई बालुवाटार सरकारी जग्गा हिनामिनामा संलग्नताको आरोपमा पक्राउ गरेको थियो ।

अति जरुरी पत्र थमाएर सचिव राउतलाई त्रिभुवन विमानस्थलबाट पक्राउ गरिएको थियो । सचिव राउतको पक्राउविरुद्ध निजामती कर्मचारी आन्दोलित भएका छन् ।