धनुषाको नगरपालिकाका इन्जिनियर घुससहित रंगेहात पक्राउ

राति १० बजेपछि नारायणगढ–मुग्लिन सडकमा सवारी आवागमन बन्द

धनुषाको नगरपालिकाका इन्जिनियर घुससहित रंगेहात पक्राउ

नेपालवाच २०८० साउन २८ गते १८:०६

काठमाडौं । धनुषास्थित शहिदनगर नगरपालिकामा कार्यरत इन्जिनियर रमेश कुमार चौधरी र उनका साथी गुरुदेव यादव घुससहित पक्राउ परेका छन् ।

उनीहरूलाई बर्दिवासस्थित अख्तियार दुरूपयोग अनुसन्धान आयोगको कार्यालयले एक लाख रूपैयाँ रकम र एक लाख ७५ हजार रूपैयाँको चेकसहित रंगेहात पक्राउ गरिएको हो ।

चौधरीले वाल निर्माण कार्य सम्पन्न पछि उक्त कार्यको भुक्तानी दिँदा सेवाग्राहीसँग घुस मागेको उजुरी परेको थियो ।

सोही उजुरीमाथि छानविन हुँदा उनीहरू घुस लिइसकेको अवस्थामा पक्राउ परेका हुन् ।