सप्तकोशीमा ३४ वर्षपछिकै उच्च बहाव
सप्तरी । सप्तकोशी नदीमा यसवर्षकै उच्च पानीको बहाव मापन गरिएको छ । यो बहाव ३४ वर्षपछिकै उच्च रहेको जिल्ला प्रहरी कार्यालय सुनसरीले जनाएको छ ।
सोमबार बिहान पानीको तह ४ लाख ६२ हजार ७१० क्युसेक मापन गरिएको हो । बाढीको बहाव उच्च भएपछि ब्यारेजका ५६ वटै ढोका खोलिएको र खतराको संकेत स्वरुप रातो बत्ती बालिएको जिल्ला प्रहरी कार्यालय सुनसरीका प्रवक्ता एवम् डिएसपी राजकुमार राईले जानकारी दिए ।
कोशी ब्यारेजमा पानीको बहाव एक लाख ५० हजार क्युसेक काट्नेबित्तिकै सर्वसाधारणलाई सचेत गर्नका निम्ति बत्ती बाल्ने गरिन्छ।
अहिलेसम्मको इतिहासमा सप्तकोशीमा सबैभन्दा बढी सन् १९८९ मा ४ लाख ७२ हजार क्युसेक मापन भएको थियो । आज बिहान चार बजे ४ लाख ६२ हजार क्युसेक मापन भएकोमा बिहान साढे ७ बजे घटेर ४ लाख ४० हजारमा झरेको छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया