काठमाडौं । अन्तत: संसदीय समितिले नेतृत्व पाउने भएको छ । नेतृत्व चयनको लागि भदौ ११ गते १ बजेका लागि समय तय भएको छ ।

बिहीबार भएको प्रमुख चार राजनीतिक दलका प्रमुख सचेतक, सचेतकहरूको बैठकले भदौ ११ गते १० वटै विषयगत समिति सभापतिको निर्वाचन गर्ने निर्णय गरेको हो ।

सभापतिहरू निर्वाचित नहुँदा संसदका समितिका बैठक अहिलेसम्म जेष्ठ सदस्यको नेतृत्वमा भइरहेको थियो । प्रतिनिधि सभाका १० तथा प्रतिनिधि सभा र राष्ट्रिय सभाका संयुक्त २ गरी जम्मा १२ वटा समितिका सभापति पद चयन भएका छैनन् ।

सत्ता र प्रमुख प्रतिपक्षी दलबीच कांग्रेसलाई ४, एमालेलाई ३, माओवादी केन्द्रलाई २, नेकपा एकीकृत समाजवादीलाई १, जनता समाजवादी पार्टीलाई १ र जनमत पार्टीलाई १ समितिको नेतृत्व गर्ने सहमति भएको थियो।