महरामाथि अनुसन्धान गर्न प्रहरीलाई निर्देशन दिएको छैन- सरकारी वकिलको कार्यालय
काठमाडौं । जिल्ला सरकारी वकिल कार्यालयले भेप सुन तस्करी प्रकरणमा मुछिएका माओवादी केन्द्रका उपाध्यक्ष कृष्णबहादुर महरा र छोरा राहुलमाथि छानविन गर्न कुनै निर्देशन नदिइएको बताएको छ ।
केहि सञ्चारमाध्यामहरुमा जिल्ला सरकारी वकिलको कार्यालय काठमाडौंले महरा बाबु छोरामाथि अनुसन्धान गर्न निर्देशन दिएको समाचारहरु सार्वजनिक भएका थिए ।
तर सरकारी वकिलको कार्यलयले यस्तो कुनै पनि निर्देशन नभएको बतायो । जिल्ला सरकारी वकिल कार्यालय काठमाडौँका प्रमुख अच्युतमणि नेउपानेले यस्तो कुनै निर्देशन नभएको नेपालवाचलाई बताए ।
‘यहाँबाट कुनै पनि निर्देशन भएको छैन् । मिडियामा मैले बोलेको भनेर आएका रहेछन् । यो गलत कुरा हो,’ उनले भने ।
यस्तै प्रहरीको केन्द्रीय अनुसन्धान ब्युरोले पनि यस्तो कुनै निर्देशन नआएको बताएको छ । सीआइबीका प्रवक्ता नवराज अधिकारीले प्रहरीले आफ्नै तवरले अनुसन्धान गरिरहेको तर त्यस्तो कुनै निर्देशन नआएको नेपालवाचलाई बताए ।
२०७९ पुस १० मा दुबईबाट इलेक्ट्रीक चुरोट ‘भेप’मा लुकाएर सुन ल्याउने समूहका चिनियाँ नागरिकसँग महरा बाबु–छोराहरूको सम्पर्क देखिएको थियो ।
सीआइबीले पनि महरा र उनका छोरा राहुललाई सुन ल्याउने समूहका ‘मुख्य योजनाकार’ किटान गरेर जिल्ला सरकारी वकिलको कार्यलयमा अनुसन्धान प्रतिवेदन बुझाएको थियो ।
ताजा अपडेट
-
लोमान्थाङको नाम्डोक खोलामा पक्की पुल निर्माण
-
बागलुङका ११ हजार बालबालिकालाई आइपिभी खोप लगाइँदै
-
सहकारीको रकम हिनामिना : छानबिन समितिको कार्यादेश टुंगाे लगाउन कार्यदलको बैठक जारी
-
कुरिनटारमा ट्रक र माइक्रोबस ठोक्किए, १५ जना घाइते
-
‘कोषका पदाधिकारीको निर्देशन’मा पशुपतिको भेटी चोरी, ८ पक्राउ
प्रतिक्रिया