काठमाडौं । नेकपा (एकीकृत समाजवादी)का १४ सांसद विरुद्ध परेको रिट निवेदनमाथिको सुनुवाइ हेर्न नमिल्नेमा राखिएको छ ।

सर्वोच्चको न्यायाधीशद्वय अनिल कुमार सिन्हा र नकुल सुवेदीको संयुक्त इजलासमा उक्त मुद्दाको पेशी तोकिएको थियो ।

सुवेदीले एमाले सांसद सोमप्रसाद पाण्डेले दायर गरेको रिटमाथि सुनुवाइ गरेकाले उक्त मुद्दा आफुले हेर्न नमिल्ने इजलासलाई जानकारी दिएको सर्वोच्च प्रशासनले जनाएको छ ।

पार्टी अध्यक्ष माधव कुमार नेपालसहित १४ जना सांसदको वैधानिकतामाथि प्रश्न उठाउँदै एमाले अध्यक्ष केपी शर्मा ओलीले सभामुख अग्निप्रसाद सापकोटा, निर्वाचन आयोगलाई विपक्षी बनाइ गत भदौमा सर्वोच्चमा मुद्दा दायर गरेका थिए ।