एकैदिन २४०० रूपैयाँले घट्यो सुनको मूल्य, प्रतितोला कतिमा हुँदैछ कारोबार ?

नेपालवाच २०८० मंसिर १९ गते ११:२०

काठमाडौं । सोमबार ऐतिहासिक रेकर्ड कायम गरेको सुनको मूल्य मंगलबार भने घटेको छ ।

नेपाल सुनचाँदी व्यवसायी महासंघका अनुसार आज सुनको मूल्य २४ सय रूपैयाँले घटेर एक लाख १९ हजार २ सय रूपैयाँमा कारोबार भइरहेको छ ।

सोमबार सुनको मूल्य प्रतितोला एक लाख २१ हजार ६ सय रूपैयाँमा कारोबार भएको थियो । त्यस्तै आज तेजावी सुन प्रतितोला एक लाख १८ हजार ६५० रुपैयाँमा कारोबार भइरहेको छ ।

आज चाँदीको मूल्य ४५ रूपैयाँ घटेर एक हजार १५ सय रूपैयाँमा कारोबार भइरहेको छ । सोमबार चाँदी प्रतितोला एक हजार ५ सय ४५ रूपैयाँमा कारोबार भएको थियो ।