विवाहको प्रलोभन देखाइ ठगी गरेको आरोपमा एकजना पक्राउ

नेपालवाच २०७८ चैत २२ गते १५:४६

काठमाडौं । विवाह गर्ने प्रलोभन देखाइ ठगी गरेको अभियोगमा काठमाडौं धापासी बस्ने ५२ वर्षीय नबिन भन्ने लोक बहादुर श्रेष्ठलाई आइतबार प्रहरीले पक्राउ गरेको छ ।

प्रहरीका अनुसार उनले पिडितलाई विवाहको प्रलोभनमा पारी आफू बिरामी भएको र उपचार गर्नको लागि करिब ४२ लाख ३४ हजार रुपैंया आइएमई र सिटी एक्सप्रेसमार्फत रकम पठाउन लगाउन लगाएको आरोपमा उनलाई काठमाडौं बिशालनगरबाट पक्राउ गरिएको हो ।

श्रेष्ठलाई ठगी कसुरअन्तर्गत थप अनुसन्धानका लागि महानगरीय प्रहरी परिसर काठमाडाैं लगिएको महानगरीय प्रहरीले जानकारी दिएको छ ।