काठमाडौं । डा. गोविन्द केसी लगायत ९ जनालाई प्रहरीले माइतीघर मण्डलाबाट नियन्त्रणमा लिएको छ।

सशस्त्र द्वन्द्व पीडितलाई न्याय र सबै नेपालीहरूको स्वास्थ्य सेवा र शिक्षामा समान पहुँच लगायतका माग राख्दै माइतीघरमा आन्दोलन गर्न पुगेका डा. केसी लगायतका व्यक्तिहरूलाई प्रहरीले नियन्त्रणमा लिएको हो।

निषेधित क्षेत्रमा आन्दोलन गर्न गएकाले नियन्त्रणमा लिइएको काठमाडौं प्रहरी परिसरले जनाएको छ ।

हाल माइतीघर मण्डल निधेषित क्षेत्र हो । तर, केसीलगायतका नागरिक भेला भएर प्रदर्शन गर्न पाउने संविधानले प्रदत्त अधिकार फिर्ता गर्नु पर्ने भन्दै प्रदर्शनमा उत्रिएपछि प्रहरीे उनीहरुलाई पक्राउ गरेको हो ।

डा. केसीले माइतीघर निषेधित क्षेत्र नभएको बताउँदै अदालतको आदेश देखाउन भनेका थिए।