काठमाडौं । आकर्षक तलबमा माल्टा पठाइदिन्छु भन्दै ठगी गर्ने व्यक्रि पक्राउ परेको छ ।

काठमाडौं उपत्यका अपराध अनुसन्धान कार्यलयबाट खटिएको टोलिले बानेश्वरबाट ३८ वर्षीय प्रकाश गुरुङलाई पक्राउ गरेको हो ।

पोखरा महानगरपालिका-१३ घर भई काठमाडौं बुढानिलकण्ठ नगरपालिका-१ सुन्दरबस्ती बस्दै आएका गुरुङले पटक-पटक गरी पीडितबाट ६ लाख १८ हजार रूपैयाँ ठगी गरेको आरोप छ ।

गुरूङले माल्टाको प्रतिष्ठित होटलमा मासिक १ लाख २० हजार रूपैयाँ तलबमा काम लगाइदिन्छु भन्दै प्रलोभनमा पारी रकम ठगी गरेको प्रहरीले जनाएको छ ।

उनलाई थप अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।