यी चार प्रदेशमा आज वर्षाको सम्भावना
काठमाडौं । मौसम पूर्वानुमान महाशाखाले आज देशका चार प्रदेशमा वर्षा हुने प्रक्षेपण गरेको छ ।
आफ्नो दैनिक मौसम बुलेटिन सार्वजनिक गर्दै महाशाखाले गण्डकी, लुम्बिनी, कर्णाली र सुदूरपश्चिम प्रदेशमा वर्षाको आकलन गरेको हो । बुलेटिनमा यी प्रदेशमा आज दिउँसो हल्कादेखि मध्यम वर्षा हुने उल्लेख छ ।
त्यस्तै, मंगलबार दिउँसो नै देशका बाँकी भूभागमा पनि हल्का वर्षाको आकलन गरिएको छ ।
सुदूरपश्चिम र कर्णाली प्रदेशका उच्च पहाडी तथा हिमाली भू–भागका केही स्थानहरूमा भने हल्कादेखि मध्यम हिमपातको सम्भावना छ । बाँकी उच्च पहाडी तथा हिमाली भू–भागका थोरै स्थानहरूमा पनि हिमपात हुनसक्छ ।
देशका पहाडी भू–भागका केही स्थानमा रातिको समयमा पनि हल्का वर्षा हुने बताइएको छ । सुदूरपश्चिम र कर्णाली प्रदेशका उच्च पहाडी तथा हिमाली भू–भागका थोरै स्थानहरूमा हल्का हिमपात हुने मौसमविद्को अनुमान छ ।
नेपालमा अहिले पश्चिमी वायुको प्रभाव रहेको छ । यही वायुको प्रभावका कारण मौसममा बदलीदेखि वर्षासम्म भइरहेका छन् ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया