सरकारले माग्यो तीन कोरियन भाषा अनुवादक
काठमाडौं । वैदेशिक रोजगार विभाग, इपिएस कोरिया शाखाले तीन कोरियन भाषा अनुवादक (दोभासे) सूचीकृतका लागि आवेदन माग गरेको छ ।
शाखाले सम्पादन गर्नुपर्ने काममा सहजीकरणका लागि कोरियन भाषा अनुवादक सूचीकृत गर्न लागिएको हो ।
आधिकारिक निकायबाट कोरियन भाषाको चौथो तह उत्तीर्ण भई प्रमाणपत्र पाएका, कोरियन माषा प्रशिक्षण गर्ने कुनै संस्थासँग आबद्ध नभएका व्यक्तिले सूचीकरणका लागि आवेदन दिनसक्ने शाखाद्वारा जारी सूचनामा उल्लेख छ ।
योग्यता पुगेका इच्छुक उम्मेदवारले इमेलमार्फत ७ दिनभित्र आवेदन दिन सक्नेछन् ।
प्रतिक्रिया