काठमाडौं (एजेन्सी) । युक्रेनले रुससँग वार्ताका निम्ति प्रस्ताव पठाएको छ । मारिओपोल सहरमा रुसले आक्रमण बढाइरहेका बेला युक्रेनले रुससमक्ष वार्ताको प्रस्ताव पठाएको हो ।

मध्यस्थकर्तामार्फत युक्रेनले रुससँग वार्ताका लागि प्रस्ताव पठाएको बिबिसीले लेखेको छ ।

युक्रेनी वार्ताकार मिखाइलोले आफ्ना सैनिक, सर्वसाधारण, बालबालिका, घाइतेलगायतलाई बचाउन वार्ताको प्रस्ताव गरेको ट्विटरमार्फत प्रष्ट पारेका छन् ।

समाचारहरूमा जनाइएअनुसार युक्रेनी राष्ट्रपति भोलोदिमिर जेलेन्स्कीले सर्वसाधारणलाई सहरबाट बाहिर निकाल्ने उद्देश्यले वार्ताको प्रस्ताव पठाएको जनाइएको छ ।

लगातार आक्रमण गरेपछि युक्रेनले रुससमक्ष निःसर्त वार्ताको प्रस्ताव राख्दै आएको छ । तर रुसले यसबारे अहिलेसम्म कुनै प्रतिक्रिया दिएको छैन ।

पछिल्लो समय रुसले मरिओपोलमाथि आक्रमण बढाएको छ । रणनीतिक हिसाबले महत्त्वपूर्ण ठानिएको मरिओपोल रुसले कब्जा जमाएमा युक्रेनको सबैभन्दा ठूलो सहर पहिलोपटक विरोधीको कब्जामा पर्नेछ ।