काठमाडौं । धनगढीमा आज अनौठो संयोग पर्यो ।  पुष्पकमल दाहाल प्रचण्ड र एमाले नेता लेखराज भट्टबीच धनगढी विमानस्थलको एउटै कोठा (विशिष्ट कक्ष)मा भेट भयो । तर दुईबीच नमस्कार वा अभिवादन आदान–प्रदान त परको कुरा सामान्य बोलचालसमेत भएन ।

लेखराजले कुनैबेला माओवादी केन्द्रमा हुँदा प्रचण्डको निकट भएर काम गरेका थिए । तर, नेकपा विभाजनपछि उनी एमालेतिर लागे ।

अहिले एमालेका सचिव छन् । एमालेमा लागेपछि उनले प्रचण्डको चर्को आलोचना गरेका थिए । त्यसयता प्रचण्ड र उनीबीच राम्रो सम्बन्ध थिएन ।

यसैले आज भेट हुँदा लेखराजले आफ्नै पूर्वअध्यक्ष तथा पूर्वप्रधानमन्त्री प्रचण्डलाई अभिवादनसम्म नगरेको विमानस्थलमा रहेका प्रत्यक्षदर्शीहरूले बताएका छन् ।

प्रचण्डले विमानस्थलको विशिष्ट कक्षमा पत्रकार सम्मेलन सुरु गर्दा लेखराज भने त्यहाँबाट बाहिरिइसकेका थिए ।

माओवादी केन्द्रका अध्यक्ष प्रचण्ड पार्टीको कार्यक्रमका लागि काठमाडौंबाट आज धनगढी पुगेका हुन् । उनलाई प्रदेश इञ्चार्ज खगराज भट्टले विमानस्थलमा स्वागत गरेका थिए । सोहि क्रममा प्रचण्ड र लेखराजबीच जम्काभेट भएको थियो ।

यो पनि पढ्नुहोस्

यी हुन् कांग्रेस काठमाडौंको मेयरका लागि सिफारिस ५ नेता