काठमाडाैं ।  नेपाल राष्ट्र बैंकका गभर्नर डा. विश्व पौडेलले कोहीसँग एक रूपैयाँ नलिई बनाएको घर जलाइएकोमा दु:ख व्यक्त गरेका छन् । उनले सामाजिक सञ्जालमा जलिरहेको घरको भिडियो सेयर गदै भैसेपाटिको घर जलाएर नपुगेर चितवनमा  वृद्ध बा आमा बसेको घरमा प्रदर्शनकारीले रिस देखाएकाेमा गुनासाे गरे ।

‘मेरो भैसेपटिको घर जलाएर नपुगि मेरा वृद्ध बा आमा बसेको चितवनको घरमा पोख्ने साथिहरुको फलोस् फुलोस’ उनले भने ।

‘जिन्दगिमा मैले कसैसँग एक रुपैया मागेको छैन, दिएको मात्र हुँला, चितवनमा सधै कक्षामा फस्ट हुन्थे। गाउँको केहि सुबिधा नभएको स्कुल पढेर दाइ अहिले अमेरिकामा प्राध्यापक हुनुहुन्छ भने म नेपालमै बस्ने गरि आएपछि केयुमा प्राध्यापक भएँ। बा आमा दुबै साधारण लेखपढ गर्न जान्ने हुनुहुन्छ।’

उनले भैसेपाटिको घर पनि योजना आयोगको उपाध्यक्ष हुनु अघिनै छात्रवृत्ति र देश विदेशमा काम गरेर साढे पाच आना जग्गामा बनाएको बताए। श्रीमती र आफ्नो ९ वर्षकी छोरीलाई भैसेपाटीमै रहेको घर मन पर्ने भएकोले गभर्नर भएपछि त्यो घर नछाडेको उनले सामाजिक सञ्जालमा लेखेका छन् ।