सिमरा (बारा) – सिमरा विमानस्थलको आसपासको क्षेत्र आज झडपपछि कडाइका साथ नियन्त्रणमा लिइँदै कर्फ्यू आदेश जारी गरिएको छ। कर्फ्यू आज बेलुकी ८ बजेसम्म लागू हुनेछ।

नेकपा (एमाले)का कार्यकर्ता र जेन-जी युवाबीच विमानस्थल बाहिर विवाद बढ्दै गएपछि स्थिति तनावपूर्ण बनेको थियो। एमाले महासचिव शंकर पोखरेल, महेश बस्नेतलगायतका नेताहरू विमानस्थलमा पुगेको जानकारी सार्वजनिक भएपछि जेन-जी समूह प्रदर्शनमा उत्रिएको र त्यसपछि दुई पक्षबीच भिडन्त भएको प्रहरीले जनाएको छ।

तनाव बढेपछि सुरक्षाकर्मीले एमाले नेताहरूलाई विमानस्थलभित्रै सुरक्षित स्थानमा राखेको छ। स्थिति नियन्त्रणमा लिन थप सुरक्षाकर्मी परिचालन गरिएको बताइन्छ।