काठमाडौं । दाङमा बाढीले बगाउँदा एक महिलाको मृत्यु भएको छ । हिजो राति परेको भारी वर्षाले दाङस्थित हस्नापुर खोलामा आएको बाढीले बगाउँदा उनको मृत्यु भएको हो ।

मृत्यु हुनेमा बबई गाउँपालिका–४ हस्नापुरकी सन्ध्या परियार रहेकी छिन् । उनको घर फर्कने क्रममा हस्नापुर खोला तर्दा खोलाले बगाएर मृत्यु भएको इलाका प्रहरी कार्यालय दाङले जनाएको छ ।

परियारलाई प्रहरी टोलीले बगेको स्थानदेखि करिब एक सय ५० मिटर दक्षिणबाट उद्धार गरेको हो । गम्भीर अवस्थामा रहेकी परियारलाई तुलसीपुरस्थित राप्ती प्रोदेशिक अस्पतालमा उपचारको लागि लगिएको थियो । उपचारको क्रममा उनको मृत्यु भएको प्रहरीले जानकारी गराएको छ ।