पुष्कर खड्का (रामेछाप) । रामेछापका एक पुरुष चार वर्षपछि पक्राउ परेका छन् ।

रामेछाप दोरम्बा शैलुङ गाउँपालिका वडा नम्बर ४ गौश्वार पासिवान घर भइ हाल ललितपुरको इमाडोल बस्दै आएका ५८ वर्षीय मानबहादुर मगरलाई प्रहरीले पक्राउ गरेको हो ।

पक्राउ परेका मगरलाई जिल्ला अदालत, ललितपुरको ०७४ बैशाख २५ गतेको आदेशले पुरात्वातिक मूर्ति चोरी मुद्धामा दुईवर्र्ष कैद सजाय तोकिएको थियोे । अदालतको फैसला तोकिएलगत्तै मगर फरार रहदै आएका थिए ।

फरार रहेका मगरलाई सोमबार महानगरीय अपराध महाशाखाबाट खटिएको प्रहरीको टोलीले इमाडोलबाट पक्राउ गरेको हो ।

पक्राउ परेका मगरलाई जिल्ला अदालत, ललितपुरमा बुझाइएको प्रहरीले जनाएको छ ।