हातहतियारसहित २ जना युवक पक्राउ

नेपालवाच २०७९ जेठ ४ गते १५:४८

काठमाडौं । प्रहरीले विभिन्न हातहतियारसहित दुई जना युवक पक्राउ गरेको छ । पक्राउ पर्नेमा निजगढ नगरपालिका-११ बस्ने २१ वर्षीय रुद्ध कुंवर र २० वर्षीय शिव कुंवर रहेका छन् ।

प्रहरीले उनीहरुलाई मंगलबार दिउँसो एक थान कटुवा पेस्तोल, फलामको दाउ, दुई थान फलामको पाईप, रड र नकसहित पक्राउ गरेको हो । दुवै जना हातहतियार लिएर गाउँघरमा हिडिरहेको भन्ने खबरका साथ जाँच गर्दा उक्त हतियार फेला परेको प्रहरीले जनाएको छ ।

यस सम्बन्धमा प्रहरीले थप अनुसन्धान गरिरहेको छ ।