तुलसीपुरमा एमालेको अग्रता कायमै, ५४ हजारबढी मत गन्दा कसले कति ल्याए ?

नेपालवाच २०७९ जेठ ९ गते २०:३८

काठमाडौं । दाङको तुलसीपुर उपमहानगरपालिकामा एमालेले अग्रता कायमै राखेको छ । एमालेका उम्मेदवार टीकाराम खड्काले २२ हजार ८५९ मतसहित अग्रता लिएका छन् । उनका निकटतम प्रतिस्पर्धी कांग्रेसका गेहेन्द्र गिरीले २१ हजार २५९ मतले पछ्याइरहेका छन् । खड्काको मतान्तर १ हजार ६०० रहेको छ ।

त्यस्तै उपमेयरमा एमालेका स्यानी चौधरी २२ हजार ४०७ मतले अग्रता लिएकी छिन् । उनका निकटतम प्रतिस्पर्धी एकीकृत समाजवादीका उम्मेदवार जोगबहादुर राणाले १५ हजार ८७२ मत पाएका छन् । चौधरीको मतान्तर ६ हजार ५३५ रहेको छ । निर्वाचन कार्यलय दाङले दिएको जानकारी अनुसार अहिलेसम्म ५४ हजार १२३ मतगणना भइसकेको छ ।