भाउजुलाई आगो लगाएर हत्या गरेको आरोपमा देवर पक्राउ

नेपालवाच २०७९ जेठ १७ गते १४:५४

सप्तरी । आफ्नै भाउजुलाई पेट्रोल छर्केर आगो लगाएर हत्या गरेको आरोपमा एक युवक पक्राउ परेका छन् । २७ वर्षीया राजकुमारी साहको हत्या गरेको आरोपमा बोदेबरसाईन नगरपालिका-१ धनगढी बस्ने प्रमेश्‍वर साहलाई आइतबार प्रहरीले पक्राउ गरेको हो ।

साहले २०७८ माघ २१ गते बिहान भाउजुको हत्या गरेर फरार भएका थिए । ईलाका प्रहरी कार्यालय बोदेबरसाईन सप्तरीबाट खटिएको प्रहरीले घरमा लुकीछिपी बसेको अवस्थामा पक्राउ गरेको हो ।

साहमाथि जिल्ला अदालत सप्तरीबाट म्याद थप अनुमति लिई थप अनुसन्धान कार्य भइरहेको छ ।