काठमाडौं । बागमती प्रदेश सरकारले कर्मचारीलाई दुई हजार महँगी भत्ता दिने भएको छ ।

निजामती र करार सेवा दुवै सेवामा आगामी साउन १ गतेदेखि लागू हुनेगरी प्रदेश सरकारले दुई हजार महँगी भत्ता दिने भएको हो ।

बुधबार आर्थिक वर्ष ०७९÷८० को बजेट सार्वजनिक गर्दै आर्थिक मामिला तथा योजनामन्त्री शालिकराम जम्मकट्टेलले बजेटमा प्रदेशका निजामती र करारमा कार्यरत कर्मचारीलाई आगामी साउन १ गतेदेखि लागू हुने गरी मासिक रु दुई हजार महँगी भत्ता दिने व्यवस्था मिलाइएको जानकारी दिए ।

त्यसैगरी, बागमती प्रदेशले कर्मचारीको तलब १५ प्रतिशतले वृद्धि गरेको छ । प्रदेश मातहतका कर्मचारीको सामूहिक रु १० लाख दुर्घटना बिमा गर्न बजेट विनियोजन गरिएको मन्त्री जम्मकट्टेलले जानकारी दिए ।