धनुषाबाट हतियारसहित तीन भारतीय पक्राउ
काठमाठौं । धुनषाबाट हतियारसहित तीनजना भारतीय नागरिक पक्राउ परेका छन् ।
उनीहरूलाई सशस्त्र प्रहरी बलले सोमबार विदेह नगरपालिका–१ महिनाथपुरबाट हतियारसहित पक्राउ गरेको हो ।
पक्राउ पर्नेमा भारतको बिहार राज्यअन्तर्गत मुजफ्फरपुर ७ साहेबगञ्ज निवासी २९ वर्षीय राहुल रञ्जन, २० वर्षीय उज्जवल कुमार तथा २६ वर्षीय सञ्जय कुमार छन् ।
उनीहरू जनकपुरधामबाट भारततर्फ जाँदै गरेको बिआर ०६ एपी ३००८ नम्बरको कारमा सवार भएको अवस्थामा पक्राउ परेका हुन् ।
उनीहरूको साथबाट मेड इन युएसए लेखिएको ७.६२ एमएमको एक राउण्ड गोली लोड भएको पेस्तोल बरामद भएको छ । उक्त पेस्टोल कारको अगाडिपट्टि सिटमुनि भएको पाइएको सशस्त्र प्रहरीले जनाएको छ ।
पक्राउ परेकालाई इलाका प्रहरी कार्यालय खजुरीको जिम्मा लगाइएको सशस्त्र प्रहरीले जानकारी दिएको छ ।
ताजा अपडेट
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
-
मन्त्रिहरुको सम्पत्ति सार्वजनिक गर्नेसहित यस्ता छन् मन्त्रिपरिषद्का १८ निर्णय
-
छोराको हत्या गर्ने महिला पक्राउ
-
फाष्ट ट्रयाक सडक आयोजनामा सुरुङमार्गको ‘ब्रेकथ्रु’
प्रतिक्रिया