काठमाडौं । नेपाल राष्ट्र बैंकका गभर्नर महाप्रसाद अधिकारी विवादमा तानिएका छन् ।

प्रमुख प्रतिपक्षी नेकपा (एमाले)ले एम अधिकारी, खोटाङको नाममा उनको नाम अर्थ तथा योजना विभागको सदस्यमा राखेपछि उनी विवादमा परेका हुन् ।

गभर्नर अधिकारीको राजीनामा माग गर्दै सरकारकै एक घटक नेकपा (माओवादी केन्द्र)का कार्यकर्ताले प्रदर्शन गरिरहेका छन् । उनीविरुद्ध सर्वोच्च अदालतमा उजुरी नै परेको छ ।

यसैबीच, शुक्रबार बसेको सत्तारुढ गठबन्धनका शीर्ष नेताहरूको बैठकमा यो विषय उठान भएको छ ।

त्यसको जवाफ दिँदै प्रधानमन्त्री शेरबहादुर देउवाले गभर्नर महाप्रसाद अधिकारीले नैतिकताका आधारमा राजीनामा दिनुपर्ने बताएको उनको सचिवालय स्रोतले जनाएको छ ।