अभियान लघुवित्तको आइपिओ निष्काशन
काठमाडौं । अभियान लघुवित्त वित्तीय संस्थाको आज (बुधबार)देखि सर्वसाधारणका लागि आइपिओ बिक्री खुला भएको छ । कम्पनीका अनुसार कम्पनीले ९ करोड ७५ लाख रुपैयाँ बराबरको आइपिओ जारी गरेको छ ।
लगानीकर्ताले न्यूनतम १० कित्तादेखि अधिकतम ३ हजार कित्ताका लागि आवेदन दिन सक्नेछन् । कम्पनीले प्रतिकित्ता १०० अंकित मूल्यको दरले ९ लाख ७५ हजार कित्ता साधारण सेयर निष्कासन गरेको हो । जसमध्ये ५५ अर्थात् ४८ हजार ७५० कित्ता सामुहिक लगानी कोष र ०.५५ अर्थात १२ हजार ५०० कित्ता सेयर कर्मचारीहरुका लागि छुट्याइएको कम्पनीले जनाएको छ ।
बाँकी ९ लाख १३ हजार ७५० कित्ताका लागि सर्वसाधारणले आवेदन दिन सक्ने कम्पनीले उल्लेख गरेको छ । उक्त आइपिओमा सर्वसाधारणले साउन २२ गतेसम्म आवेदन दिन सक्नेछन् । कम्पनीले उक्त अवधिमा सबै सेयर बिक्री नभएमा भदौ १ गतेसम्म आवेदन दिन सकिने जनाएको छ ।
आइपिओमा आवेदन दिन लगानीकर्ताले सी–आस्वा प्राप्त बैंक तथा वित्तीय संस्था तथा मेरो सेयरमार्फत दिनसक्नेछन् । आइपीओको बिक्री प्रबन्धकमा मुक्तिनाथ क्यापिटल रहेको छ । आईपीओ निष्कासनका लागि कम्पनीले गराएको रेटिङमा इक्रा नेपालले ‘इक्रा एनपी आइआर डबल बी माइनस रेटिङ’ प्रदान गरेको छ ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया