काठमाडौं । राष्ट्रिय प्रजातन्त्र पार्टी (राप्रपा)का प्रवक्ता ज्ञानेन्द्र शाहीले जुम्लाबाट चुनाव लड्ने घोषणा गरेका छन् ।

सोमबार काठमाडौंमा पत्रकार सम्मेलन गर्दै उनले आगामी मंसिर ४ मा हुने प्रतिनिधिसभा निर्वाचनमा जुम्लाबाट लड्ने घोषणा गरेका हुन् ।

‘अहिलेसम्म जुम्लाले धेरै प्रतिनिधि काठमाडौं पठाए । तर, कसैले पनि जुम्लाको आवाज सुनेन,’ उम्मेदवारी दिने घोषणा गर्दै शाहीले भने ।

अरुहरूले आफूलाई काठमाडौं, चितवन, नवलपरासी वा रुपन्देहीबाट चुनाव लड्न आग्रह गरेको भएपनि आफूले आफ्नै जन्मथलो रोजेको उनले दाबी गरे ।

‘मैले काठमाडौं, चितवन, नवलपरासी र रुपन्देहीबाट चुनाव लड्न पाउने अवसर छोडर मेरै जन्मथलो जुम्ला रोजेको हुँ,’ उनले भने ।

शाही भ्रष्टाचारविरुद्धकाे अभियन्ताहुँदै राप्रपाको राजनीतिमा आएका हुन् ।

ममाथि मोबाइल प्रहार भएको होइन, खसेको हो : ज्ञानेन्द्र शाही