काठमाडौं । बजेट घोषणामा भन्दा अतिरिक्त तलब बढाउने प्रयास असफल भएको छ । अर्थ मन्त्रालयले बजेट छलेर उपल्लो तहका कर्मचारीको तलब बजट भाषणमा भन्दा २४ प्रतिशतसम्म बढाउने प्रस्तावलाई मन्त्रिपरिषद्ले असफल बनाएको हो ।

आइतबार मन्त्रिपरिषद्को निर्णय सार्वजनिक गर्दै सरकारका प्रवक्ता ज्ञानेन्द्र बहादुर कार्कीले राष्ट्रसेवक कर्मचारीहरूको नयाँ तलबमान र ग्रेड स्वीकृत गरेका हुन् ।
साउन २६ गतेको मन्त्रिपरिषद्को बैठकले आर्थिक वर्ष २०७९/८० को नयाँ तलबमान र ग्रेड स्वीकृत गरेको हो । बजेटमा उल्लेख भएबमोजिम सबै सरकारी कर्मचारीको तलब १५ प्रतिशतले वृद्धि हुने भएको हो ।

यसअघि उपल्लो श्रेणीका कर्मचारीकोमात्रै तलब बढाउने निर्णय भएपछि श्रेणीविहीन कर्मचारीहरूले पनि समान रूपले तलब वृद्धि हुनुपर्ने भन्दै आन्दोलन गरेका थिए ।