केन्याको नेतृत्व परिवर्तन, रुटो बने पाँचौ राष्ट्रपति
काठमाडौं (एजेन्सी) । केन्याको पाँचौं राष्ट्रपतिका रूपमा विलियम रुटो नियुक्त भएका छन् । उनले मंगलबार नै पद तथा गोपनीयताको सपथ लिएका छन् ।
नवनिर्वाचित राष्ट्रपति रुटोलाई सपथ खुवाउनका लागि राजधानी नैरोबीमा मङ्गलबार विशेष समारोह आयोजना गरिएको थियो ।
समारोहमा २० अफ्रिकी देशका नेताहरू सहभागी थिए । केन्याका प्रभावशाली नेता रुटोले मुलुकको शान्ति सुरक्षा, आर्थिक अवस्था, जनताको जीवनस्तरलगायतमा सुधार ल्याउने प्रतिवद्धता जाहेर गरेका छन् ।
सन् १९६६ मा जन्मिएका रुटोले गत अगस्ट ९ मा भएको राष्ट्रपतीय निर्वाचनमा जित हासिल गरेका थिए ।
उनले विपक्षी दलका नेता राइला ओडिङ्गालाई झिनो मतान्तरले पराजित गरेका हुन् । पराजित नेताले निर्वाचन धाँधली भएको भन्दै परिणाम अस्वीकार गर्दै आइरहेका छन् । तर त्यहाँको सर्वोच्च अदालतले परिणाम सही भएको भन्दै रुटोलाई अनुमोदन गरिसकेको छ ।
कडा सुरक्षा व्यवस्थाका बीचमा निवर्तमान राष्ट्रपति उहुरु केन्याटाले रुटोलाई पद हस्तान्तर गरे ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया