काठमाडौं । नेकपा एकीकृत समाजवादीका नेता बसुन्धरा हुमागाईंले काभ्रे २ (ख) बाट दिएको उम्मेदवारी फिर्ता लिएका छन् । यस अघि प्रदेश सांसद र मन्त्री बनेका हुमागाईंले दिएको उम्मेदवारी फिर्ता लिएका हुन् । यो प्रदेशसभा क्षेत्र खमा सत्ता गठबन्धनका कञ्चनचन्द्रबादे श्रेष्ठले उम्मेदवारी दिएका छन् ।

सत्ता गठबन्धनकै दुई जनाको उम्मेदवारी परेपछि हुमागाईंले उम्मेदवारी फिर्ता लिएका हुन् ।

मुख्य निर्वाचन अधिकृतको कार्यालयले उम्मेदवारी फिर्ता लिन हुमागाईंले निवेदन दिएको भन्दै उम्मेदवारको सूचीबाट उनको नाम हटाइएको जनाएको छ । एमालेबाट कुमार थापा प्रतिस्पर्धामा छन् ।

सत्ता गठबन्धनमा काभ्रे २ क क्षेत्र नेकपा समाजवादीले पाएको छ । जहाँ समाजवादीका लक्ष्मण लम्साल उम्मेदवार छन् । एमालेबाट कुमारप्रसाद खकुरेल प्रतिस्पर्धामा छन् ।

काभ्रे २ को प्रतिनिधिसभा क्षेत्रमा एमालेबाट गोकुल बाँस्कोटा र कांग्रेसबाट शिवप्रसाद हुमागाईं उम्मेदवार छन् । स्वतन्त्रका मनोज पण्डितले पनि उम्मेदवारी दिएका छन् ।