पाहुना मन्त्रीविरुद्ध जब लाग्यो चोर… चोर… को नारा
काठमाडौं (एजेन्सी) । पाकिस्तानमा सत्ता परिवर्तन भए पनि विश्वव्यापी मञ्चमा यसको चरित्र उस्तै छ । विगतमा पनि पाकिस्तानले धेरै पटक सार्वजनिक मञ्चहरूमा विरोधको सामना गरेको छ । यो प्रवृत्ति निरन्तर जारी छ।
यही सिलसिलामा पाकिस्तानका अर्थमन्त्रीले अमेरिकामा चर्को विरोधको सामना गर्नुपरेको खबर छ । जनताले उनको अगाडि चोर… चोर…को नारा लगाएका छन् ।
जानकारी अनुसार पाकिस्तानका अर्थमन्त्री इशाक दार अन्तर्राष्ट्रिय मुद्रा कोषको वार्षिक बैठकमा सहभागी हुन बिहीबार अमेरिका पुगेका थिए । यस क्रममा मानिसहरूले खुलेरै उनलाई चोर र झुटोको आरोप लगाए । यो घटनाको भिडियो पनि सार्वजनिक भएको छ ।
भिडियोमा एक व्यक्तिले पाकिस्तानी मन्त्रीलाई भनेका छन्, ‘तिमी झुटा र चोर हौ । त्यसपछि उनीहरूसँगै आएका एक अधिकारी आक्रोसित हुन्छन् । उनी जनतालाई जवाफ दिन अगाडि बढ्छन् र रिसाउँदै भन्छन्, मुख बन्द राख । यसक्रममा दुई पक्षबीच चर्को झगडा हुन्छ ।
पाकिस्तानकी सूचना मन्त्री मरियम औरङ्गजेबले पनि यस्तै विरोधको सामना गर्नु परेको थियो । सेप्टेम्बरमा बेलायत भ्रमणको दौरान उनी पाकिस्तानी जनताको निशानामा परेकी हुन् ।
इमरानका समर्थकहरूले घेर्दै उनलाई जनताको पैसा लुटेर लण्डनमा रमाइलो गरिरहेको आरोप लगाएका थिए ।
ताजा अपडेट
-
सुनको मूल्य दुई हजारले बढ्यो, कतिमा हुँदैछ कारोबार ?
-
सूचना-प्रविधि क्षेत्रको विस्तारका निम्ति नवप्रवर्तन कोष स्थापना गर्ने प्रधानमन्त्रीको घोषणा
-
चितवनमा मोटरसाइकल दुर्घटना हुँदा दुई जनाको मृत्यु
-
पोखरा अन्तर्राष्ट्रिय विमानस्थल खुल्यो
-
रोनाल्डोको गोलको मद्दतमा अल नासरको सहज जित
प्रतिक्रिया