काठमाडौं । ललितपुर ३ की उम्मेदवार डा.तोसिमा कार्कीको उम्मेदवार कायम राख्न सर्वोच्च अदालतले आदेश दिएको छ । न्यायाधीस ईश्वर खतिवडा र तिलप्रसाद श्रेष्ठको इजलासले राष्ट्रिय स्वतन्त्र पार्टीकी उम्मेदवार कार्कीको उम्मेदवारी कायम गर्ने आदेश दिएको हो ।

उनलाई लाभको पदमा रहेको भन्दै निर्वाचन आयोगले उम्मेदवार बन्न अयोग्य करार गर्दै उम्मेदवारी खारेज गरेको थियो । नेपाल मेडिकल काउन्सिलमा सदस्य रहेको भन्दै आयोगले सो निर्णय गरेको थियो । आयोगको निर्णयविरूद्ध सर्वोच्चमा रिट दायर गरेकी कार्कीको मुद्दामा यसअघि उम्मेदवारी कायम गर्न अन्तरिम आदेश दिएको थियो ।

यस निर्णय खारेजीको माग गर्दै आयोगले सर्वोच्चमा निवेदन दिएको थियो । उक्त निवेदनमाथि सुनुवाइ गर्दै सोमबार सर्वोच्चले पुरानै निर्णयलाई निरन्तरता कायम गर्ने आदेश दिएको हो ।