काठमाडौं । पर्साको सखुवाप्रसौनी गाउँपालिकाका अध्यक्ष प्रदीप जैसवाल र उपाध्यक्ष फलुमतिदेवी चौधरीबीच कुटाकुट भएको छ । दुईबीच विवाद बढ्दै जाँदा कुटाकुट भएको हो ।

आफूले विकास निर्माण र गाउँपालिकाको ८ औं गाउँसभाबारे जानकारी माग्दा अध्यक्षसहित वडाअध्यक्षको समूहले हातपात गर्दा उपाध्यक्ष चौधरीको आरोप छ ।

अध्यक्ष जैसवालको कुरा भने ठीकविपरीत छ । उनले भने सामान्य वादविवाद हुँदा उपाध्यक्षले नै आफूमाथि पानीको बोत्तल हिर्काइ दुर्व्यवहार गरेको दाबी गरेका छन् ।

कुटपिटले चोटपटक र डाम बसेको उपाध्यक्ष चौधरीको दाबी छ ।

तर अध्यक्ष जैसवालले भने सोमबार नेपाल पत्रकार महासंघ, पर्साको सभाकक्षमा पत्रकार सम्मेलनको आयोजना गरी उपाध्यक्षले आफूमाथि दुर्व्यवहार गरेको बताएका छन् ।