बलुचिस्तानमा दश आतंककारी मारिए

एजेन्सी । पाकिस्तानको दक्षिणपश्चिम बलुचिस्तान प्रान्तमा गुप्तचर सूचनामा आधारित सैन्य कारबाहीमा दश आतंककारी मारिएका छन् । प्रान्तको होसब क्षेत्रमा गुप्तचर सूचनामा आधारित सुरक्षा कारबाहीमा मंगलबार ती आतंककारी मारिएका राष्ट्रिय सेनाले जनाएको छ ।
होसब क्षेत्रका विभिन्न स्थानमा आतंककारी रहेका सूचना पाएपछि सैनिक कारबाही थालिएको तथा त्यस क्रममा दोहोरो भिडन्त भएको जनाउँदै सेनाको सञ्चार शाखा इन्टर सर्भिसेस पब्लिक रिलेसन्स (आइएसपीआ) ले बताएको छ ।
एक जनालाई जीवितै पक्राउ गरिएको तथा दुई जना भागेका बताउँदै आइएसपीआरले उनीहरूको खोजी जारी रहेको जनाएको छ । आतंककारी लुकेका स्थानबाट सुरक्षा फौजले ठूलो मात्रामा हातहतियार र गोलाबारुद बरामद गरेको छ ।
आइएसपीआरका अनुसार मारिएका आतंककारीले सुरक्षा बलका सदस्यका साथै सर्वसाधारणलाई समेत निशाना बनाएर आक्रमण गर्दै आएका, विद्युतीय धराप थाप्ने तथा दूर नियन्त्रित विस्फोटक उपकरण पड्काएर निहत्था जनताको ज्यान लिनेलगायत आतंककारी गतिविधि सञ्चालन गर्दै आएका थिए ।
पाकिस्तानी सेनाले बलुचिस्तानको शान्ति, स्थायित्व र विकासमा अवरोध सृजना गर्ने प्रयासलाई विफल पार्न सुरक्षा बल प्रतिबद्ध रहेको बताएको छ ।
ताजा अपडेट
-
महिला एसियन कप छनोट चरणबाटै बाहिरियो नेपाल,उज्बेकिस्तान एसियन कपमा छनोट
-
उपाधि जितेको क्रिकेट टोलीलाई प्रधानमन्त्री ओलीले दिए बधाई
-
पर्यटकीय केन्द्र बन्दै तनहुँको ‘तीनखोले मन्दिर’
-
नागरिक उन्मुक्ति पार्टीद्वारा सरकारलाई दिएको समर्थन फिर्ता
-
राजमार्ग अपडेटः विभिन्न जिल्लाका सातवटा सडक पूर्ण रूपमा अवरुद्ध
प्रतिक्रिया