धनकुटा । धनकुटाका किसानहरूले जालीघर र टनेल प्रविधि अपनाए तरकारी र फलफूल उत्पादन गर्न थालेका छन् ।

शत्रुकिरा, पुतली र ढुसीजन्य रोगको प्रकोपबाट बचाउन उपयुक्त मानिने टनेल प्रविधि प्रति किसान आकर्षित हुन थालेका हुन् । तर निश्चित किसानले मात्रै जालीघर र टनेल प्रविधि अपाइरहेका छन् ।

बेमौसमा पनि राम्रो उत्पादन लिन सकिने भएपछि गोलभेंडा खेतिका लागि टनेल प्रविधिको प्रयोग गरेको धनकुटा नगरपालिका ९ बेलहराका गोविन्दराज रायले जानकारी दिए ।

गोडमेल, मलखाद तथा तापक्रम व्यवस्थापनमा सहयोग पुुग्ने भएपछि धनकुटाका किसान यस्तो खेति प्रविधिमा आकर्षित भएका हुन् । सामान्यतया चार आना जग्गामा एउटा टनेल बनाउँन २ लाख रूपैयाँ सम्म खर्च हुने किसानहरू बताउँछन् ।सुविधायुक्त ग्रीन हाउस बनाउन भने ६ लाख रूपैयाँसम्म पर्छ ।

थोरै जमिन र कम सिँचाइ सुविधा भएका किसानलाई यो उपयोगी छ । बर्खे झरी, हिउँदको चिसो र बेमौसममा पनि टनेल भित्र गरिने फलफूल र तरकारीको उत्पादन तथा गुुणस्तर राम्रो हुने कृषि प्राविधिकको भनाइ छ ।