बाराको पर्साकट्टी दोस्रो सुरक्षित खानेपानीयुक्त समुदाय घोषित
युनिक यादव (बारा)– बाराको पर्साकट्टी दोस्रो सुरक्षित खानेपानीयुक्त समुदाय घोषित भएको छ ।
कलैया उपमहानगरपालिका वडा नम्बर १ कट्टीपर्सामा मधेश प्रदेशको तेस्रो तथा बाराको दोस्रो सुरक्षित खानेपानी युक्त समुदाय घोषित गर्दै पर्साकट्टी खानेपानी तथा सरसफाइ योजनाको उद्घाटन गरिएको छ । आज एक कार्यक्रमका बिच नगरप्रमुख राजेश राय यादवको प्रमुख आतिथ्यमा उद्घाटन भएको हो ।
८२ लाख ५६ हजार ८ सय ५७ रुपैया लागतमा खानेपानी आयोजना निर्माण सम्पन्न भएको हो । जसमा कलैया उपमहानगरपालिकाले १२ लाख १९ हजार ३९ रुपैयाँ , युनिसेफ , जनजागरण युवा क्लब बाराले ६२ लाख २५ हजार १ सय २४ रुपैयाँ , समुदायले ८ लाख १२ हजार ६ सय ९३ रुपैयाँ योगदान गरेका छन् ।
२०१९ जुलाईमा डिजाइन गरिएको आयोजनाको काम ११ फेब्रुअरी २०२० मा शुरु भएको थियो भने १० अप्रिल २०२१ सम्म काम सम्पन्न गर्नुपर्ने थियो ।
भूमिगत लिफ्ट पद्दती मार्फत जमिन मुनिको पानी ४० हजार लिटर क्षमताको ट्याङकीमा भरेर १८५ घरधुरीलाई वितरण गरिने नगर प्रमुख राजेश राय यादवले बताए ।
उक्त स्थानमा हाल १८५ घरधुरी रहेकोमा १४७९ जनसंख्या , एउटा बिधालय , तीन वटा सामुदायिक भवन , १र१ वटा स्वास्थ्य चौकी र मन्दिर रहेको छ । खानेपानी योजना सञ्चालनमा आएपछि उक्त वडाका समुदाय निकैन हर्षित छन् । यसअघि उक्त समुदायलाई खानेपानीका लागि निकै सास्ती थियो ।
यस भन्दा अघि गत असोज २ गते मधेस प्रदेश का खानेपानी तथा उर्जा विकास मन्त्री ओम प्रकाश शर्माले बारा जिल्लाको प्रथम एवं मधेस प्रदेशको दोस्रो सुरक्षित खानेपानीयुक्त समुदाय बसतपुरलाई घोषणा गरेका थिए ।
मधेश प्रदेशमा यसअघि सिराहाको धनगढीमाई नगरपालिकाको दुरविनडाँडा सुरक्षित खानेपानीयुक्त समुदाय घोषणा भइसकेको छ ।
ताजा अपडेट
-
इन्सपेक्टर पौडेलले गरे सगरमाथा आरोहण
-
ग्रिनकार्डको प्रलोभनमा बिहे गरेर चीनमा नेपाली युवतीको तस्करी
-
सिडिओ कार्यालयका अधिकृतलाई गोली हानी हत्या गर्ने १६ वर्षपछि समातिए
-
कांग्रेसले बोलायो केन्द्रीय कार्यसमिति र संसदीय दलको संयुक्त बैठक
-
वैशाख मसान्तसम्ममा ११ खर्ब ७७ अर्ब व्यापार घाटा
प्रतिक्रिया