NepalWatch

News Portal For Eeverything In Nepal from Nepal

२०८१ जेठ ८ गते

युक्रेनस्थित युरोपकै सबैभन्दा ठूलो परमाणु केन्द्रमा आगलागी

काठमाडौं । युक्रेनमा रहेको युरोपकै सबैभन्दा ठूलो परमाणु केन्द्रलाई रुसले निशाना बनाएको छ । रुसले आक्रमण गरेसँगै त्यहाँ आगलागी भइरहेको छ ।

बिहीवार राष्ट्र संघीय निकायले परमाणु ऊर्जा केन्द्रनजिक आक्रमण रोक्न गरेको आग्रहको केही समयपछि रुसले त्यसलाई निशाना बनाएको हो ।

युक्रेनका विदेशमन्त्री दिमेत्रो कुलेवाले जापोरिज्या परमाणु केन्द्रलाई निशाना बनाएर रुसी सेनाले चौतर्फी हमला गरिरहेको बताएका छन् ।

कुलेवाले रुसले तुरन्तै आगलागी रोक्नुपर्ने जनाउँदै अग्नि नियन्त्रकलाई अनुमति दिन र सुरक्षा क्षेत्र स्थापना गर्न आह्वान गरेका छन् ।

मेयर दिमित्री ओर्लोभले परमाणु केन्द्रमा भइरहेको आगलागी विश्वकै सुरक्षाका लागि खतरा भएको बताएका छन् ।

 

ताजा अपडेट

नेपालवाच विशेष