वासिंटन । पूर्व अमेरिकी राष्ट्रपति बाराक ओबामा कोरोना भाइरसबाट संक्रमित भएका छन् । उनले ट्विट गर्दै यसबारे जानकारी दिएका हुन् ।

ओबामाले ट्विटरमा लेखेका छन्, ‘मेरो कोभिड परीक्षण सकारात्मक आएको छ । केही दिनदेखि घाँटीमा समस्या महसुस गरिरहेको थिएँ, अहिले म ठिक छु । मिचेल र म खोप र बुस्टर डोजप्रति आभारी छौं, मिचेलको परीक्षण नकारात्मक आएको छ ।’

६० वर्षीय ओबामा हवाइको बसाईपछि हालै वासिंटन डिसी फर्किएका थिए । कोरोना भाइरसबाट संक्रमित अमेरिकी राष्ट्रपतिमध्ये उनी डोनाल्ड ट्रम्प पछि दोस्रो राष्ट्रपति हुन् ।