प्राध्यापक ध्रुव कुमारको निधन
काठमाडौं । राजनीतिशास्त्रका प्राध्यापक ध्रुव कुमारको निधन भएको छ । उनको बुधबार राति ग्राण्डी अन्तर्राष्ट्रिय अस्पतालमा निधन भएको हो ।
७३ वर्षीय ध्रुव कुमार मिर्गौला रोगबाट पीडित थिए । उनको निधनचाहिँ स्ट्रोकका कारण भएको बताइएको छ ।
ध्रुव कुमारले लामो समय प्रध्यापनमा बिताएका थिए । त्रिभुवन विश्वविद्यालयअन्तर्गतको नेपाल तथा एसियाली अनुसन्धान केन्द्र (सिनास) मा केही समय आबद्ध उनी त्यहीबाट अवकाश भएका थिए ।
उनी लेखनमा पनि उत्तिकै सक्रिय थिए । अन्तर्राष्ट्रिय मामिला र सुरक्षाबारे उनका विभिन्न कृतिहरू नै प्रकाशित छन् ।
प्रतिक्रिया