NepalWatch

News Portal For Eeverything In Nepal from Nepal

२०८१ वैशाख ९ गते

बेलायतले युक्रेनलाई ६ हजार क्षेप्यास्त्र दिने 

लन्डन । बेलायती प्रधानमन्त्री बोरिस जोनसनले बिहीबार युक्रेनलाई करिब ६ हजार अतिरिक्त क्षेप्यास्त्र सहयोग उपलब्ध गराउने बताएका छन् ।

नेटो र जि–७ नेताहरुको ब्रसेल्समा हुने बैठकमा जोनसनले क्षेप्यास्त्रबाहेक २५ मिलियन पाउन्ड वित्तिय सहायता पनि घोषणा गर्नेछन् । उक्त रकम युक्रेनी सैनिक र पाइलटलाई प्रदान गरिनेछ ।

बेलायत सरकारले युक्रेनी एवं रुसी भाषीलाई सहयोग गर्न बिबिसी वल्र्ड सर्भिसलाई ४ दशमलव १ मिलियन पाउन्ड पनि सहयोग गर्ने भएको छ । बेलायतले युक्रेनमा प्रतिरक्षालाई मजबुत बनाउन काम गर्ने जोनसनले बताए ।

‘यो आक्रमणको एक महिना भइसकेको छ, अन्तर्राष्ट्रिय समुदायको अगाडि युक्रेनमा स्वतन्त्रता जिवित राख्ने एकमात्र विकल्प रहेको छ,’ जोनसनले भने ।