बुटवल (नरसिंह बडाल) । रूपन्देहीमा प्रहरी हिरासतमा रहेका एक युवकले घाँटी रेटेर आत्महत्याको प्रयास गरेको दाबी प्रहरीले छ ।

इलाका प्रहरी कार्यालय, बुटवलको हिरासतमा राखिएका बुटवल–११ का इन्द्रबहादुर नेपाली गत आइतबार घाँटी रेटिएको अवस्थामा फेला परेका हुन् ।

घाइते नेपालीलाई आइतबार नै लुम्बिनी प्रादेशिक अस्पतालमा भर्ना गरिएको र त्यहाँ भेन्टिलेटरमा राखेर उपचार भइरहेको इलाका प्रहरी कार्यालय, बुटवलले जनाएको छ ।

घाइते नेपाली लुम्बिनी प्रादेशिक अस्पतालमा सरसफाइको काम गर्ने मजदुर भएको खुलेको छ । उनी तामाको तार चोरीको अभियोगमा पक्राउ परेका थिए ।

प्रहरीले पक्राउपछि विक्षिप्त बनेर उनले आत्महत्याको प्रयास गरेको दाबी गरेको छ ।