काठमाडौं । स्थानीय निर्वाचनको मुखमा आर्थिक चलखेल गर्दै झुम्का कारागारका कैदीबन्दी मध्यरातमा सारिएका छन् ।

सुनसरीको रामधुनी नगरपालिकास्थित झुम्का कारागारका कैदी कारागार प्रशासनलाई समेत जानकारी नदिई अन्यत्र सारिएपछि कैदीबन्दीहरूले चर्को विरोध जनाएका छन् ।

कारागार व्यवस्थापन विभागका महानिर्देशक वासुदेव घिमिरेले बिचौलियासँग मिलेर कैदीबन्दीहरूको अन्यत्र सरुवा गरिएको बुझिएको छ । झुम्का कारागारको बी ब्लकका चौकीदारसमेत रहेका कैदी खड्गबहादुर राई र जोना नाल्बो लिम्बूलाई मुढा बनाउने कच्चा पदार्थ खरिद गर्न बजारमा निस्किएको बेला जिल्ला प्रहरी कार्यालय सुनसरीको टोलीले पक्राउ गरी रातारात अन्यत्र सरुवा गरेको छ । राईलाई डिल्लीबजार र लिम्बूलाई भीमफेदी कारागार पठाइएको जिल्ला प्रहरी कार्यालय, सुनसरीले जनाएको छ । अन्नपूर्ण पोस्ट्मा दैनिकमा खबर छ ।