अमेरिकी राष्ट्रपति बाइडेनले एक्लै हावामा हात मिलाउन खाेजेपछि…
वाशिंटन । अमेरिकी राष्ट्रपति जो बाइडेन अहिले सामाजिक सञ्जालमा छाएका छन् । बाइडेनले बिहीबार नर्थ क्यारोलिनाको युनिभर्सिटी अफ पेन्सिल्भेनियामा भाषण दिइरहेका थिए । ७९ वर्षका अमेरिकी राष्ट्रपति बाइडेनले विश्वविद्यालयमा ४० मिनेटको भाषण गरेका थिए ।
भाषण सकिएपछि उनी एक्लै हावामा हात मिलाउँदै गरेको देखियो । यस घटनाको भिडियो सामाजिक सञ्जालमा निकै भाइरल भइरहेको छ । वास्तवमा, कार्यक्रममा बाइडेनसँग मञ्चमा कोही थिएन ।
राष्ट्रपति बाइडेनले आफू त्यहाँ एक्लै छु भनेर सम्झन सकेनन् । भाषण सकिएपछि उनी दायाँतिर फर्किए र गड ब्लेस यु अलभन्दै कसैसँग हात मिलाउन खोजे । तर त्यहाँ कोही नभएपछि उनी दर्शकतिर मोडिए ।
भिडियो भाइरल भएपछि सामाजिक सञ्जालमा धेरैले यसलाई मजाक बनाइरहेका छन् । कतिपयले उनलाई डिमेन्सियाको बिरामी भएको समेत बताए । योसँगै प्रतिपक्षले पनि उनको बढ्दो उमेरलाई लिएर निशाना बनाएको छ । ७९ वर्षीय राष्ट्रपतिको यो बदलिएको शैली देखेर सबै छक्क परेका छन् ।
After Biden finished his speech, he turned around and tried to shake hands with thin air and then wandered around looking confused pic.twitter.com/ZN00TLdUUo
— Washington Free Beacon (@FreeBeacon) April 14, 2022
यसअघि बाइडेनले आफ्नो मन्तव्यमा आफूले यस विश्वविद्यालयमा प्राध्यापकको रुपमा पनि काम गरेको बताएका थिए । तर उनले त्यस विश्वविद्यालयमा कुनै कक्षा पनि पढाएको पुष्टि हुन सकेन । बाइडेनको यस भनाइपछि विपक्षी दल रिपब्लिकनले बाइडेनको बोल्ने क्षमतामा प्रश्न उठाएको छ र उनलाई राजनीतिक रुपमा कमजोर भनेको छ ।
बाइडेन आजभोली एकदमै मौन देखिन्छन् । यसअघि पनि गत साता एक कार्यक्रममा उनी निकै विचलित देखिन्थे । उक्त सम्बोधनमा उनले पूर्वराष्ट्रपति बराक ओबामाले पद छाडेपछि पहिलोपटक ह्वाइट हाउस देखेको बताए ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया