काठमाडौं । ग्लोबल फरेस्ट वाचका अनुसार सन् २०२१ मा विश्वले बेलायतभन्दा ठूलो वन क्षेत्र गुमाएको छ । गत वर्ष लगभग २ लाख ५३ हजार वर्ग किलोमिटर वन नष्ट भएको छ ।

युनिभर्सिटी अफ मेरिल्याण्डको नयाँ तथ्यांकअनुसार कम्पनी र सरकारहरूले वन फँडानीलाई रोक्ने प्रतिबद्धताका बावजुद सन् २०२१ मा उष्णप्रदेशीय सदाबहार को हानि निरन्तर रूपमा उच्च रहेको छ ।

यसअनुसार प्रतिमिनेट १० फुटबल मैदान बराबरको वनक्षेत्र नष्ट भइरहेको छ । यो दर सन् २०२० को जस्तै हो । वन विनाश सन् २०१९ बाट तीव्र वृद्धि भएको छ ।

जलवायु परिवर्तन रोक्न र यसको असर कम गर्न वनजंगलले महत्वपूर्ण भूमिका खेल्ने भएकाले वन क्षेत्रको विनाश हुनु दीर्घकालीन संकट हो । विश्लेषकका अनुसार वनको द्रुत विनाशले विश्वव्यापी जलवायु लक्ष्यहरूलाई जोखिममा पारेको छ ।

विश्वव्यापी रूपमा सन् २०३० सम्म कार्बन उत्सर्जन घटाउने र जलवायु परिवर्तन कम गर्ने लक्ष्य पूरा हुने अवस्था नदेखिएकाे रिपाेर्टमा लेखिएकाे छ ।

केही देशहरू, विशेष गरी इन्डोनेसिया र ग्याबोनले प्राथमिक वन विनाशको दर उल्लेखनीय रूपमा घटाएको छ । तर ब्राजिल र बोलिभियाजस्ता अन्य देशहरूमा वन फँडानी दर उच्च छ ।