ठमेलको एलओडीकाे भिडियोका कारण भाजपाको निशानामा राहुल गान्धी
काठमाडौं । कांग्रेस नेता राहुल गान्धीको एक भिडियो मंगलबार बिहानैदेखि भारतीय जनता पार्टीका नेताहरूको निशानामा परेकाे छ । यस भिडियोमा राहुल गान्धी पार्टीमा एक महिलासँग कुरा गरिरहेको देखिन्छ ।
भिडियो शेयर गर्दै भाजपा नेता कपिल मिश्राले लेखेका छन्, ‘चिन्नु भयो यी को हुन् ?’
त्यस्तै, भारतका कानुनमन्त्री किरेन रिजिजुले पनि ट्वीट गर्दै भनेका छन्, ‘पार्टी, बिदा, रमाइलो यात्रा, निजी विदेश यात्रा यो देशका लागि नयाँ रहेन । कुनै नागरिकले यसो गरेमा कुनै समस्या छैन । तर जब सांसद र राजनीतिक दलका नेताले यस्तो गर्छन्…..।’
भाजपाका प्रवक्ता शहजाद जयहिन्दले पनि ट्वीट गरेका छन्, ‘राजस्थान जलिरहेको छ तर बाबा पार्टी गरिरहेका छन् । पार्टी (कांग्रेस) समाप्त हुन्छ तर पार्टी यसरी चल्छ । यो पार्टी यसरी नै चल्छ । पार्टी टाइम नेता ।’
कांग्रेस नेता रणदीप सुरजेवालाले यस विषयमा प्रतिक्रिया दिँदै भने, ‘राहुल गान्धी आफ्नो साथीको विवाह कार्यक्रममा सहभागी मित्र राष्ट्र नेपाल गएका छन् । प्रधानमन्त्री मोदीजस्तो नबोलाए पनि पाकिस्तानका प्रधानमन्त्रीकाे केक काट्ने अतिथिको रूपमा राहुल गान्धी गएका छैनन् ।’
पत्रकार सम्मेलनमा रणदीप सुरजेवालाले भने, ‘आज बिहान मैले हेर्दा आफन्त, आफन्त, साथीभाइको विवाह समारोहमा स्वतन्त्र रूपमा सहभागी हुन पाउने कानुन यो देशमा थियो । राहुल गान्धी एक निजी कार्यक्रममा सहभागी हुन मित्रराष्ट्र नेपाल गएका छन् । आजसम्म यो देशमा साथीभाइसँग उठ्नु, बस्नु, उत्सवमा सहभागी हुनु अपराध बनेको छैन । भोलिदेखि गृहस्थी बन्नु, बिहेमा भाग लिनु अपराध बन्छ, किनभने यो आरएसएसलाई मन पर्दैन् ।’
What is wrong in it when he attends a marriage reception? Why Sanghi’s are afraid about him ? Why Sanghi’s are spreading lies ? Everyone of us attend private functions.
— Manickam Tagore .B🇮🇳✋மாணிக்கம் தாகூர்.ப (@manickamtagore) May 3, 2022
राहुल गान्धीको भिडियोमा बिजेपी आइटी सेल प्रमुख अमित मालवीय गायत धेरै व्यक्तिहरूको प्रतिक्रिया पनि आइरहेको छ। तर, केही व्यक्तिले राहुल गान्धीको पार्टीमा उपस्थितिलाई लिएर भएको हल्लालाई अर्थहीन भनेका छन् ।
राहुल गान्धी विवाहमा सहभागी हुन् साेमबार बेलुका नेपाल आएका छन् । उनी पूर्व सिएनएनकर्मी एवं साथी सुम्निमा उदासको विवाहमा सहभागी हुन नेपाल आएको बताइएको छ । नेता गान्धी सोमबार राति ठमेलस्थित एलओडी लाउन्ज पुगेका थिए ।
प्रतिक्रिया