ताप्लेजुङमा एमाले कार्यकर्ताको अपहरणपछि हत्या

नेपालवाच २०७९ वैशाख २९ गते १३:५०

काठमाडौं । ताप्लेजुङमा नेकपा (एमाले)का एक कार्यकर्ताको हत्या भएको छ ।

एमाले कार्यकर्ता विमल कार्कीको मिक्वाखोला गाँउपालिका वडा नम्बर १ खोक्लिङमा बुधबार साँझ हत्या भएको हो ।

शुक्रबार हुने निर्वाचनमा मतदान गर्न जाने क्रममा उनलाई अपहरण गरेर शारीरिक र मानसिक यातना दिइ क्रुरतापूर्वक हत्या गरिएको एमालेका सचिव योगेश भट्टराईले जानकारी दिए ।

‘निर्वाचनको अघिल्लो दिन भएको हत्या शंकास्पत छ र राजनीतिक पनि रहेको आशंका छ । अपराधी र हत्यारालाई तत्काल गिरफ्तार गरी कानुनी कारवाही गर्न स्थानीय प्रशासनको गम्भीर ध्यानाकर्षण गर्दछु,’ उनले सामाजिक सञ्जालमा लेखेका छन् ।