भरतपुरमा रेनुलाई ११०० बढीको अग्रता

नेपालवाच २०७९ जेठ ४ गते ६:१६

काठमाडौं । सबैभन्दा चर्चामा रहेको चितवनको भरतपुर महानगरपालिकामा नेकपा (माओवादी केन्द्र) का मेयरका उम्मेदवार रेनु दाहालले अग्रता बढाउँदै लगेकी छिन् ।

२५ हजार ३५८ मत गणना गर्दा दाहालले ९ हजार ११ प्राप्त गरिन् । उनका निकटतम प्रतिस्पर्धी विजय सुवेदीले ७ हजार ८९२ मत पाएका छन् । तेस्रोमा स्वतन्त्र उम्मेदवार ४ हजार ११२ मत पाएका छन् । रेनुको पछिल्लो मतान्तर १११९ रहेको छ ।

उपमेयरमा कांग्रेसका चित्रसेन अधिकारीले १० हजार ७७४ मत ल्याएर अग्रता लिएका छन् । उनका प्रतिस्पर्धी हिमला गुरुङ ६ हजार ५४ मत पाएकी छन् ।