काठमाडाैं । सर्वोच्च अदालतले तीन दशक पुरानो रोड रेज मुद्दामा कांग्रेस नेता तथा पूर्व क्रिकेटर नवजोत सिंह सिद्धूलाई एक वर्षको जेल सजाय सुनाएको छ ।

पीडित परिवारले सिद्धूलाई सफाइ दिने सर्वोच्च अदालतको सन् २०१८ को निर्णयविरुद्ध अपील दायर गरेका थिए । सर्वोच्च अदालतले आफ्नो त्यतिवेलाको फैसलामा नवजोत सिंह सिद्धूलाई हत्याको आरोपबाट मुक्त गर्दै तीन वर्षको सजायलाई एक हजार रुपैयाँ जरिवानामा परिवर्तन गरेको थियो ।

सन् २७ डिसेम्बर, १९८८ मा सिद्धु र ६५ वर्षीय गुरनाम सिंहबीच पटियालाको पार्किङमा कुटाकुट भएको थिए । पछि उनको मृत्यु भयो । त्यसपछि सिद्धूविरुद्ध मुद्दा दर्ता भएको थियो ।

तल्लो अदालतले सिद्धूलाई सफाइ दिएको थियो तर पछि उच्च अदालतले उनलाई दोषी ठहर गर्दै तीन वर्षको जेल सजाय सुनाएको थियो ।

सिद्धू पूर्वक्रिकेटर र अहिले भारतीय कांग्रेसका नेता हुन् । साथै उनी विभिन्न टेलिभिजन शोमा निर्णायकको भूमिका देखिएका छन् ।