काठमाडौं (एजेन्सी) । भेडालाई पनि जेल सजाय ? सुन्दा अनौठो लाग्न सक्छ । तर दक्षिण सुडानमा भेडालाई जेल सजाय तोक्ने अनौठो घटना भएको छ ।

भेडाले एक महिलाको ज्यान लिएपछि यस्तो फैसला सुनाइएको हो ।

स्थानीय सञ्चारमाध्यमका अनुसार,  उक्त भेडाले सुरुमा दक्षिण सुडानकी ४५ वर्षीया अधियु चापिङलाई आक्रमण गरी घाइते बनाएको थियो । करङ भाँचिएकी ती महिलाको केही समयपछि मृत्यु भयो ।

महिलाको मृत्युपछि भेडालाई पक्राउ गरेर प्रहरी हिरासतमा राखिएको थियो ।

उक्त भेडालाई स्थानीय रुम्बक सिटी अदालतले तीन वर्षको जेल सजायसँगै भेंडाका धनीले पीडित परिवारलाई पाँचवटा गाई क्षतिपूर्ति दिनुपर्ने फैसला गरेको छ ।