लद्दाखमा सेनाको गाडी नदीमा खस्दा ७ सैनिकको मृत्यु

अमेरिकी आक्रमणपछि इरान-अमेरिका तनाव थप चर्कियो

लद्दाखमा सेनाको गाडी नदीमा खस्दा ७ सैनिकको मृत्यु

नेपालवाच २०७९ जेठ १३ गते १७:२५

काठमाडौं । लद्दाखको तुर्तक सेक्टरमा भारतीय सेनाको गाडी श्योक नदीमा खस्दा ७ जना सैनिकको मृत्यु भएको छ भने कैयौं जवान घाइते भएका छन् । भारतीय सेनाको विज्ञप्तिअनुसार २६ सैनिकको टुकडी परतापुरबाट हनिफ सबसेक्टरको चौकीतर्फ जाँदा दुर्घटनामा परेको हो ।

बिहान ९ बजेतिर गाडी चिप्लिएर थोइसेबाट २५ किलोमिटरको दुरीमा रहेको श्योक नदीमा खसेको थियो । घाइते २६ सैनिकलाई त्यहाँबाट आर्मी फिल्ड अस्पताल लगिएको थियो ।

गम्भिर चोट लागेका ७ सैनिकको अस्पतालमै मृत्यु भएको थियो । गम्भिर घाईतेहरुलाई वायुसेनाको सहयोगमा पश्चिम कमाण्ड अस्पताल लगिएको छ ।